khel

patharo wala wo ek khel tha....
aur meri bhudi nani mujhe...
usmain har baar jitati thi...
shayad apne bachpan main haari thi wo kayi baar....
isliye mujhe sone se pehle...
jitne ki nayi nayi tarkeeb sikhati thi...
ye patharo ki jeet ka matlab...
mujhe kab pata tha....
jab main gayi milne nani se parso....
meri jeet ka pathar ....
unki us kaat ki sanduk main abhi tak rakha tha...
maine pucha ab iska kya wajood hain...
nani boli dekh kar galiyare main...
pathar nahi ye teri kahani hain...
wo teri pehli jeet ...patan tha tere bachpan ka...
aisi jeet jiske baad upeksha khatam hi na hoti..
tu badti gayi..teri masumiyat jamin main jadti gayi...
kehne ko tune sab kuch paya...
par tere khone ki tees tere dil main badti gayi...
sochti hu kuch paane kai liye khud ko harna.....
kaha ki jeet hain...
par meri bacchi......
duniya aise hi chalti hain....
aur iski yahi reet hain....
abhi bhi amal hriday ki tees teri aankhon main ansu laye hain...
jaise rote hain bache subak subak kar....
jab tu ro di to....to kyu log baat banaye hain....
utha ye pathar dubara shuruwat kar....
jeet haar ka ye dhong chod...
antarmann ko shant kar...
jaise nachta hain mor sawan main...
aise nach kar.....
(aur aise wo ladki wo pathar utha kar subakti hui apne khoye hue dino aur pallo ko samaithane kai liye nikal jati hain.....nani nai kal hi wo pathar paas ki dukan se uthaya tha)